გირჩევთ დამშვიდდეთ და პატიოსნად უპასუხოთ რამდენიმე შეკითხვას:

1. ნამდვილად მზად ხართ იმ აკრძალვებისთვის, რასაც აუცილებლად შემოიტანს ძაღლი თქვენს ცხოვრებაში? იფიქრეთ გაფუჭებულ ავეჯზე, ფეხსაცმელზე და ძაღლის "მოღვაწეობის" სხვა გარდაუვალ შედეგებზე "ბავშვობის ასაკში", წვიმაში სეირნობაზე და იქიდან თქვენი მეგობრის არცთუ სუფთა მდგომარეობაში დაბრუნებაზე, ხარჯებზე, რაც დაკავშირებულია საჭირო ნივთების, ხარისხიანი საკვების შეძენასთან, წვრთნასა და შესაძლო ავადმყოფობებთან.

2. მზად ხართ იშრომოთ სულიერად და ფიზიკურად თქვენი ახალი ოჯახის წევრისთვის, რადაც აუცილებლად იქცევა თქვენი აღსაზრდელი?

3. ოჯახის ყველა წევრი იზიარებს კავკასიური ნაგაზის ლეკვის შეძენასთან დაკავშირებულ თქვენს ენთუზიაზმს?

4. გრძნობთ თქვენს თავში ძალას, რომ თავს გაართმევთ დამოუკიდებელ და ძლიერ ძაღლთან ურთიერთობას ყველა თვალსაზრისით?

ყველა ჰო და არას აწონვის შემდეგ, თუნდაც ერთ კითხვაზე უარყოფითი პასუხის შემთხვევაში ნუ იჩქარებთ ლეკვის აყვანას. კონსულტაციისთვის მიმართეთ სპეციალისტს. გახსოვდეთ - კავკასიური ნაგაზი - განსაკუთრებული ძაღლია, რომლის ჯიში არავითარ შემთხვევაში არ არის დაკავშირებული ადამიანის სელექციურ საქმიანობასთან. სწორედ ამის გამო კავკასიური ნაგაზი ფსიქოლოგიურად არასოდეს იცვლებოდა თავისი მრავალათასწლოვანი ისტორიის მანძილზე. კავკასიური ნაგაზი მოლოსებს განეკუთვნება, მაგრამ ამასთან ერთად ის ნაკლებად ჰგავს ევროპულ მოლოსებს - მასტინოს, ბულმასტიფს და ა.შ. პირველ რიგში ფსიქოლოგიური თვალსაზრისით.

მეცხვარესაც ძნელად თუ ვუწოდებთ კავკასიურ ნაგაზს (ხშირად მას ასეც მოიხსენიებენ), რადგან მეცხვარე ძაღლებს ახასიათებთ მორჩილება, დაუზარებლობა, მოტივაციების ადამიანზე და მის საჭიროებებზე ორიენტირება. თვისებათა მთელი ეს ჩამონათვალი აბსოლუტურად არ ახასიათებს კავკასიურ ნაგაზს. მის ხასიათში გენეტიკურად დეტერმინებულია აგრესიულობა, დამოუკიდებლობა, სიჯიუტე შერწყმული კოლოსარულ ფიზიკურ ძალასთან.

თუ მიღებულმა ინფორმაციამ ვერ შეგაშინათ, ხოლო ზემოთმოყვანილ კითხვებს დადებითად უპასუხეთ, შემდეგი არანაკლებ საპასუხისმგებლო საკითხი ლეკვის შერჩევა იქნება. აუცილებლად უნდა იცოდეთ ერთი მომენტის შესახებ: ქცევითი ორიენტაციის, თქვენს მიერ დასახული მიზნების, წვრთნის სპეციფიკის თვალსაზრისით კავკასიური ნაგაზები იყოფიან რამდენიმე "ქვეკატეგორიად":

საბრძოლო ძაღლები, რომლებიც იდიფერენტული არიან უცხო ადამიანების მიმართ.
* დარაჯი - დამცველი ძაღლები, რომელთა დამახასიათებელი თვისებები არის დაძაბულობა და არაკეთილგანწყობა, ხოლო ხშირად აშკარა მხეცური ბრაზი ყველასა და ყველაფრის მიმართ, რაც ხელყოფს ან შემთხვევით მოხვდება მის ტერიტორიაზე.
* კატეგორია რომელიც, სამწუხაროდ, არსებობს "ქარხნულ" პირობებში მოშენების წყალობით. ასეთ ძაღლს ძნელად თუ მივაკუთვნებთ ჯიშს, რადგან მას არ შეუძლია წინ აღუდგეს არც ადამიანს და არც ძაღლს.

ასეთ კატეგორიებად დაყოფა არ უარყოფს საბრძოლო ძაღლის უნარს დაიცვას ტერიტორია, ხოლო დარაჯი ძაღლის უნარს - იბრძოლოს მოწინააღმდეგესთან, ეს მხოლოდ აღნიშნავს ძირითად მიმართულობას აღზრდასა და წვრთნაში დასახული მიზნის შესაბამისად.

მხოლოდ ყველაფერი ამის შემდეგ მზად იქნებით გადადგათ საპასუხისმგებლო ნაბიჯი - შეიძინოთ ლეკვი.