კავკასიური ნაგაზი ისეთი ჯიშია, რომელმაც თავის გენებში შემოინახა თავისი უძველესი წინაპრების პრაქტიკულად ყველა ძირითადი ნიშან-თვისება, რომელთა შორისაა ბრძოლა გამოკვებისთვის. ეს უპირობო რეფლექსი ვლინდება განსაკუთრებულ ყურადღებაში, რითაც მომავალი ნაგაზი ექცევა საკვებს და საკვების ჭურჭელს.

გახსოვდეთ! თუ თქვენი ძაღლი იცავს საკვებს თქვენგანაც კი, თქვენი მასთან კონტაქტის დონე არასაკმარისია. ლეკვობის ასაკიდან კავკასიური ნაგაზის ლეკვის პატრონს უნდა ჰქონდეს საშუალება ნებისმიერ დროს აიღოს ჭურჭელი საკვებით და ჩაატაროს ნებისმიერი მანიპულაცია თავის ლეკვთან, მაშინ როცა ძაღლის წინ დევს სასურველი საკვები. თუ ამას არასაკმარის მნიშვნელობას მიანიჭებთ, თქვენ რისკავთ დროთა განმავლობაში თქვენსა და თქვენს ძაღლს შორის აღიმართოს გადაულახავი კედელი. თქვენი თავისუფალი მოპყრობა ჯამთან არის დასტური იმისა, რომ ხართ კავკასიური ნაგაზის წინამძღოლი და ჭეშმარიტი პატრონი. თუ ლეკვი ამჟღავნებს უკმაყოფილებას და აღშფოთებას - მტკიცედ და უყოყმანოდ დაეუფლეთ სიტუაციას. მსუბუქი წკიპურტი ცხვირში, მსუბუქი ალიყური, ხოლო როცა საჭიროა, გვარიანი მუჯლუგუნი დაადგენს თქვენს წამყვან მდგომარეობას ხროვის - ოჯახის იერარქიულ კიბეზე.

გახსოვდეთ! მორჩილება კავკასიურის მხრიდან გამოიხატება არა მხოლოდ ამა თუ იმ ბრძანების „უსიტყვო" შესრულებაში, არამედ წინამძღოლად თქვენს აღიარებაშიც!

სპეციალისტებისთვის კარგადაა ცნობილი სიტუაციები, როცა კავკასიური უნაკლოდ ასრულებდა მისი აზრით სულელურ ბრძანებებს და თავს ესხმოდა პატრონს, როცა ის ცდილობდა წაერთმია ქუჩაში ნაპოვნი საჭმელი, უკრძალავდა ქუჩის ჩხუბში ჩაბმას და ა.შ. თუ ეს მომენტი „სახლის ძაღლზე" თქვენს წარმოდგენებთან შეუთავსებლად მიგაჩნიათ - არც კი იოცნებოთ კავკასიური ნაგაზის ყოლაზე.

ამ ჯიშის უკამათო ღირსებაა ლიდერობისკენ სწრაფვა. სწორედ ამაშია წვრთნის პროცესში მისი სიჯიუტის საიდუმლო.
ლეკვობის ასაკში განსაკუთრებული ყურადღება უნდა დაეთმოს კიდევ რამდენიმე ამ ჯიშის დამახასიათებელ თვისებას. ამ თვისებებს თავი შეუძლიათ იჩინონ როგორც ღირსებებად, ასევე პრობლემებად. მაგალითად ლეკვის კარგმა ჯანმრთელობამ პატრონი შეიძლება ზედმეტად უყურადღებოდ აქციოს.

გახსოვდეთ! საკვებისადმი უპრეტენზიობა არ ნიშნავს, რომ ფული უნდა დაზოგოთ საკვებზე. ყველაფერი, რაც დააკლდა ახალგაზრდა ორგანიზმს - დაკარგულია სამუდამოდ.

ყურადღება! 3-დან 9 თვემდე პერიოდი უაღრესად მნიშვნელოვანია ძაღლის ფორმირებისთვის. სწორედ ეს პერიოდი შეიძლება ჩაითვალოს წვრთნის დასაწყისად, სწორედ ამ პერიოდში ყალიბდება კავკასიურების ცხოვრების პოზიციები. სწორედ ამ პერიოდშია ძაღლის ფსიქიკა განსაკუთრებით მგრძნობიარე მეგაპოლისის გამაღიზიანებელი ზემოქმედებისადმი, რადგან ჯიშს არ ახასიათებს ადაპტირების უნარი, რადგან ჯიშს არ ახასიათებს ადაპტირების უნარი. ხმამაღალმა და მკვეთრმა ხმება, ძაღლისთვის „ჩაბარებულ" ტერიტორიაზე უცხოთა დიდმა რაოდენობამ და ა.შ. შეიძლება მოუშორებელი დაღი დაასვას ძაღლის ჩამოუყალიბებელ ფსიქიკას. მალე ივიწყებს რა გატყეპვას შედარებით უფროსი ძაღლებისგან, ნაგაზის ლეკვი შეიძლება გულის გახეთქვამდე შეაშინოს ფეხებთან აფეთქებულმა პეტარდამ, რაც მთელი ცხოვრებით დაუმახინჯებს ფსიქიკას ძაღლს.

უმრავლეს შემთხვევაში, კავკასიური ნაგაზები ჰყავთ კერძო აპარტამენტებში. აქ არის რისკი მოდუნდე და მოაკლო ძაღლს ყოველდღიური სასიცოცხლოდ აუცილებელი გასეირნებები. ამას მივყავართ მუსკულატურის და ჩონჩხის დეგრადაციამდე.
კავკასიურ ნაგაზებს არ სჭირდებათ სიმძიმეები, სარბენი ბილიკები, გამობმული საბურავებ და ა.შ. რამაც შეიძლება დაუზიანოთ თათები, ზურგი და წელი.

ფსიქოლოგიურად უკუჩვენება აქვს ველოსიპედით „გარბენებს". საუკეთესო ვარიანტია ყოველდღიური 90 წუთიანი სეირნობა თანაბარ ტემპში. ამ დროს ღვედი ოდნავ გაჭიმული უნდა იყოს. 5-7 თვის ძაღლისთვის საჭიროა დღეში სამჯერ გასეირნება.

თქვენი ლეკვისთვის პირველ თვეებში სასურველია ვეტერინარის მუდმივი მეთვალყურეობა, რომელიც დროულად გამოავლენს ძაღლის ჩონჩხის ფორმირებაში პრობლემურ გადახრებს, რაც შეიძლება გამოიწვიოს არასწორმა კვებამ და დატვირთვებმა.

გახსოვდეთ! ლეკვობის ასაკში ხელიდან გაშვებულს ვერანაირი წვრთნითა და კვების კორექტირებით ვეღარ დააბრუნებთ.